«BÜLBÜL»nen tanış oluñız!
«BÜLBÜL» – mektep çağına qadar olğan balalar içün qırımtatarca multimediyalı tasil platformasıdır. Esas maqsadı – qırımtatar tilini ögrengen balalar ile ana-babalarğa yardım köstermek. Onıñ çerçivesinde çeşit leyhalar kerçekleştirile.
«BÜLBÜL» taqımı animatsion multfilmlerni işlep çıqardı. Mında, daha evel iç bir yerde işletilmegen, original obrazlar ve muzıka qullanıldı.
Multfilmler bala bağçaları, mektep, onlayn kurslarda qullanmaqnen bir sırada 0-3, 3-5 yaş gruppaları arasındaki balalar içün keçirilgen derslerde de işletilebile.
Ekinci tilni ögrengen diger milletke mensüp balalar içün güzel bir menba sayılır.
Multfilmlerden ğayrı, esas til mevzularına ait inkişaf ettirici kartlar, seslendirilgen luğat, halq ve müelliflerge ait yırlar, azır ders konspektleri, balalar içün icadiy ve oyun meşğuliyetleri teklif etile.
«BÜLBÜL» leyhası qırımtatar tili, tarihı, medeniyeti, urf-adetlerinen tanış olmaq içün bir temel olur, dep ümüt etemiz.
Tertip etkenler:
Ğayeniñ müellifi ve leyha rehberi:
Fatima Osmanova – rejissör, media-menecer, rehber;
Muharrirler:
Cemile Suleymanova - filolog, qırımtatar tili ve edebiyatı ocası;
Elmaz Yunusova (Bahşış) – yazıcı, şaire, filolog, qırımtatar tili ve edebiyatı ocası;
Dilâra Kalafatova – media-mutehassıs, filolog, qırımtatar tili ve edebiyatı ocası;
Usulcı:
Sevilâ İbraimova – bala psihologı, neyropsiholog, balalarnı erte yaşında inkişaf ettirüv boyunca mutehassıs;
Bestekâr:
Üsein Bekirov - bestekâr, aranjör, saund prodüser;
Leyhanıñ tamamlayıcısı:
Eldar Halilov – rejissör.